काठमाडौँ — नेपालमा आन्दोलन र अनशनका लागि परिचित काठमाडौंको माइतीघरबाट करिब पाँच सय मिटरको दूरी (बबरमहल) मा राष्ट्र बैंकको टक्सार विभाग छ । त्यहाँ गत आइतबारदेखि सर्वसाधारणको निकै भीडभाड छ । नझुक्निुस्, त्यो भीड आन्दोलनको नभई उज्यालोको पर्व तिहारमा धनतेरस पूजाका लागि सुन–चाँदीका सिक्का किन्नेको हो ।
विभागका कर्मचारीलाई सिक्का बेच्न भ्याइनभ्याइ छ । सुरक्षाकर्मी पनि लाइन व्यवस्थापनमै तल्लीन देखिन्छन् । सर्वसाधारणको भीड हेर्दा लाग्छ, अर्थतन्त्रमा मन्दी छैन, यही कारण सुन र चाँदीका सिक्का किन्न सर्वसाधारण तँछाडमछाड गरिरहेका छन् ।
