काठमाडौं । आर्थिक वर्ष (आव) २०८०/८१ को प्रथम त्रैमासमा निर्जीवन बीमा कम्पनीहरूले १० अर्ब बीमा शुल्क संकलन गरेका छन् ।
नेपाल बीमा प्राधिकरणका अनुसार आव २०८०/८१ मा १४ निर्जीवन बीमा र २ लघु निर्जीवन बीमाकम्पनीहरूले १० अर्ब ४५ करोड रुपैयाँ बीमा शुल्क संकलन गरेका छन् । आव २०७९/८० को सोही अवधिको तुलनामा चालु आवमा बीमा शुल्क ३ दशमलव ५७ प्रतिशतले घटेको हो । आर्थिक मन्दीको असर बीमा व्यवसायमा पर्दै आएको यस क्षेत्रका जानकारहरूले बताउँदै आएका छन् ।
