राष्ट्रबैंकको पछिल्लो एक वर्षको तथ्यांकले बैंकहरुले ब्रान्चलेस बैंकिङ भन्दा एटीएमलाई प्राथमिकता दिएको देखाएको छ ।
वि.सं २०७९ को भदौदेखि २०८० को भदौ महिनासम्मको अवधिमा बैंकहरुले एटिएमको संख्या चार हजार एक सय ६१ बाट बढाएर चार हजार नौ सय ७८ पुर्याएका छन् भने सोही अवधिमा ब्रान्चलेस बैंकिङ सेन्टर भने १४ सय ९७ बाट घटाएर १३ सय एकमा झारेका छन् । पछिल्लो एक महिनाको अवधिमा एटिएम मार्फत एक करोड ११ लाख ६८ हजार सात सय २७ कारोबार मार्फत कुल ८३ अर्ब ३८ करोड ४० लाख रुपैयाँ बराबरको कारोबार भएको छ ।
