१८ असोज, काठमाडौं । सहकारीको कम्पनीकरण र घरजग्गामा अन्धाधुन्ध लगानी सहकारी संकटको प्रमुख कारण रहेको सरकारी अध्ययन कार्यदलले निष्कर्ष निकालेको छ । सरकारले राष्ट्रिय योजना आयोगका सदस्य डा. जयकान्त राउतको संयोजकत्वमा गठन गरेको सहकारी सुधार सुझाव कार्यदलले यस्तो निष्कर्ष निकालेको हो । कार्यदलले २६ भदौमा प्रधानमन्त्री पुष्पकमल दाहाल प्रचण्डलाई प्रतिवेदन बुझाएको थियो ।
कार्यदलले सहकारी संस्थाहरूमा मूलभूत रूपमा तीनवटा समस्या रहेको औंल्याएको छ । त्यसमध्ये पहिलोमा सहकारी क्षेत्रमा सरकारको कमजोर नियमन तथा सर्वसाधारणमा सहकारीप्रति अविश्वास बढ्नुलाई औंल्याइएको छ ।
