२६ भदौ, काठमाडौं । कुनै एक कम्पनीको व्यापारिक साम्राज्य जोगाउन अर्को कम्पनीलाई नियामकले नै कसरी ‘बलिको बोका’ बनाउँछ भन्ने उदाहरण हो गेटवे पेमेन्ट सर्भिसको कारोबार रोक्न गरिएको प्रपञ्च ।
मौजुदा पेमेन्ट सर्भिस अपरेटरको तुलनामा उन्नत स्तरको सफ्टवयेर र आधुनिक सुविधा लिएर आउन लागेको एउटा पेमेन्ट कम्पनीलाई नेपाल राष्ट्र बैंक र प्रतिस्पर्धी कम्पनीहरुको मिलेमतोमा ‘भारतीय’ भन्दै संगीन आरोप लगाएर रोकेपछि सोही व्यापार अर्को प्रतिस्पर्धी कम्पनीलाई दिलाइएको छ ।
