काठमाडौं : सन नेपाल लाइफ इन्सुरेन्सको पनि आइपीओमा ४३ करोड ४३ लाख ७० हजार ५५० रुपैयाँ बराबरको आवेदन परेको छ । सीडीएसका अनुसार यसमा आज अन्तिम दिन (साउन १५ गते) साँझ ५ः०५ बजेसम्ममा २८ हजार ७४१ जनाले १८ लाख १७ हजार ४५० कित्ताका लागि आवेदन दिएका छन् । यो मागभन्दा १.८९ गुणा बढी आवेदन हो ।
सन नेपालले साउन १ गतेबाट वैदेशिक रोजगारीमा रहेका नेपालीलाई प्रतिकित्ता १३९ रुपैयाँ प्रिमियम थप गरेर २३९ रुपैयाँका दरले ९ लाख ६० हजार कित्ता आइपीओ बिक्री खुला गरेको हो । यसमा आज साउन १५ गतेसम्म आवेदन दिन सक्ने ब्यवस्था रहेको थियो ।
