काठमाडौं । राष्ट्रिय वाणिज्य बैंकका शाखा प्रबन्धक ललितकुमार शाही जेल चलान भएका छन् । बैंकको नेपालगन्जस्थित त्रिभुवन शाखाका शाखा प्रबन्धक शाहीलाई विशेष अदालतले ८ वर्ष कैद र १ करोड २५ लाख रुपैयाँ जरिवानाको सजाय सुनाएको हो ।
शाखा प्रबन्धक शाहीसहित कर्मचारी रिजवान अहमद जसगढ सहित ८ जनाविरुद्ध अख्तियार दुरुपयोग अनुसन्धान आयोगले २०७७ पुस १४ गते अनियमितता मुद्धा दायर गरेको थियो । सोही मुद्धाको सुनुवाई गर्दै अढाई वर्षपछि न्यायधिश शालिग्राम पौडेल तथा सदस्याहरु शिलग्राम कोइराला र खुसीप्रसाद थारुको संयुक्त इजलासले शाही र अहमदलाई दोषी ठहर गर्दै जेल सजाय सुनाएको हो ।
