सिद्धार्थ बैंकले वीरगञ्जस्थित नारायणी अस्पताललाई ५५ लाख रूपैयाँ सहयोग गरेको छ। बैंकले सम्झौतापत्रमा हस्ताक्षर गरी अस्पतालको भवनलाई मर्मत तथा सम्भारको लागि उक्त आर्थिक सहयोग प्रदान गरेको हो।
बैंकका तर्फबाट बैंकका प्रमुख कार्यकारी अधिकृत सुन्दरप्रसाद कँडेल र नारायणी अस्पतालका तर्फबाट अस्पतालका मेडिकल सुपरिटेन्डेन्ट डा. वीरेन्द्रबहादुर प्रधान र राउण्ड टेबल नेपालका तर्फबाट संस्थाका नेशनल प्रेसिडेन्ट राहुल अग्रवालले उक्त सम्झौता-पत्रमा हस्ताक्षर गरेका हुन्।
