नेपाल राष्ट्र बैंकले आर्थिक वर्ष २०७९/८० को मौद्रिक नीति साउनको पहिलो हप्ताभित्रै ल्याउने तयारी गरेको छ । त्यस्तो कुनै घटना नभए वा समस्या आइ नपरे साउनको पहिलो हप्ता नै मौद्रिक नीति ल्याउने गरी बैंकले तयारी गरेको राष्ट्र बैंकका सूचना अधिकारी नारायणप्रसाद पोखरेलले बताए ।
तर, मौद्रिक नीतिको तयारी गरिरहेको बैंकलाई यस पटक दोहोरो दबाब परेको छ । एकातर्फ बाह्य प्रभावबाट मुलुकको अर्थतन्त्रलाई बचाउनुपर्ने र अर्कोतर्फ निजी क्षेत्रसँगै उत्पादनमा केन्द्रित मौद्रिक नीतिले सरकारले लिएको उच्च दरको आर्थिक वृद्धिलाई सहयोग पुर्याउनुपर्ने दबाब छ । यही दबाबबीच यसपटक नेपाल राष्ट्र बैंकले मध्यमार्गी बाटोबाट मौद्रिक नीति ल्याउने तयारी गरेको पोखरेल बताउँछन् ।
