काठमाडौं : सन नेपाल लाइफ इन्सुरेन्सले संस्थापक सेयरधनीहरुलाई ६०% पुँजी थप गर्न आग्रह गरेको छ । बिमा समितिले तोकेको न्यूनतम ५ अर्ब रुपैयाँ चुक्ता पुँजी पुर्याउने उद्देश्यले कम्पनीले संस्थापक सेयरधनीसँग थप लगानी माग गरेको हो । यसको लागि असार ३० गते भित्र सो रकम जम्मा गर्न कम्पनीले आग्रह गरेको हो ।यसअघि कम्पनीको वैशाख ९ गते सम्पन्न साधारण सभाले पुँजी वृद्धि गर्ने प्रस्ताव पारित गरेपछि कम्पनीले सोही अनुसार संस्थापक सेयरधनीहरुबाट थप रकम जम्मा गर्न आग्रह गरेको हो । यस्तै, कम्पनी सञ्चालक समितिको बैठकले साविक संस्थापकहरुबाट लगानी भएको रकमको ६०% रकम माग गर्ने निर्णय भएको पनि जनाएको छ ।
