'नन डिस्क्लोजर एग्रिमेन्ट' गरेर मर्जर प्रकृया अगाडी बढाएका हिमालयन र सिभिल बैंकबीच यसै साता मर्जरमा जानको लागि औपचारिक सम्झौता हुने भएको छ । स्वाप रेसियो, बैंकको नाम, संचालकहरु लगायतका विषयमा टुंगो लागिसकेकोले सम्भवत बिहिबार वा शुक्रबार मर्जरको लागि औपचारिक सम्झौता हुने भएको हो ।
संचालक समिति र उच्च व्यवस्थापनको विषयमा टुंगो लागिसकेको बैंकका एक संचालकले बताए । उनका अनुसार १००:८१ को स्वापमा पनि सहमति भईसकेको छ । अब कर्मचारी समायोजनको विषय टुंगोमा लगाएर मर्जर सम्झौतामा हस्ताक्षर हुने छ । आज पनि मर्जर कमिटिको छलफल रहेकोले कर्मचारी समायोजनको विषय पनि आज नै टुंगो लागि सक्ने उनले बताए ।
...
