काठमाडौं । बिमा समितिले ९ कम्पनीलाई मर्जरमा जान निर्देशन दिएको छ । एक भन्दा बढी बीमा कम्पनीमा लगानी गर्ने ठूला लगानीकर्तालाई समितिले मर्जमा जान वा सेयर बेच्न निर्देशन दिएको हो । दुईमध्ये एक विकल्पमा नगए सम्बन्धित बीमा कम्पनीको व्यवसायिक कारोबार रोक्कासम्म गरिदिने चेतावनी समेत समितिले दिएको छ ।
यसमा ६ वटा जीवन बीमा कम्पनी र ३ वटा निर्जीवन बीमा कम्पनीहरुलाई यस्तो पत्र पठाइएको बीमा समितिले जनाएको छ । यस्तो पत्र पठाएकाेमा नेपाल लाइफ इन्स्योरेन्स, लाइफ इन्स्योरेन्स कम्पनी नेपाल, आईएमई लाइफ, रिलायवल लाइफ, ज्योति लाइफ, सूर्या लाइफ, नेपाल इन्स्योरेन्स, प्रुडेन्सियल इन्स्योरेन्स र आइएमई जनरल इन्स्योरेन्स कम्पनी रहेका छन् ।
