कारोबार रोकिएको करिब एक वर्षपछि पुनः खुल्ला भएको बजारमा हिमालयन बैंकको शेयर मूल्यमा पहिलो दिनमै नेगेटिभ सर्किट लागेको छ । सोमबार बजार खुले लगत्तै बैंकको शेयर मूल्य १० प्रतिशतले घट्दै बन्द हुनपुगेको हो ।
कारोबार शुरु भएको १५ मिनेटमा नै सर्किट लागेको बैंकको शेयर सो अवधिमा ६८ आदेश मार्फत घटेको मूल्यमा १४ हजार ४६४ कित्ता बिक्रीमा रहेको छ ।
नेपाल इन्भेष्टमेन्ट बैंकसँग मर्जर सम्झौता भएर पनि भाँडिएको बैंकको शेयर दोस्रो बजारमा २०७८ वैशाख ३० गते अन्तिम पटक कारोबार भएको थियो । सो पछि आजै मात्र (२०७९ जेठ २३ गते) पुनः बैंकको शेयर कारोबार खुला भएको हो ।
