काठमाडौं । फागुन महिनामा मात्रै ११ अर्ब रुपैयाँ बजारबाट राष्ट्र बैंकमा फर्किएको छ । राष्ट्र बैंकले सार्वजनिक गरेको विवरण अनुसार विभिन्न समयमा बजार पठाइएको सो रकम बैंकमा फिर्ता आएको हो ।
राष्ट्र बैंकका अनुसार फागुन मसान्तसम्म बजारमा ६ खर्ब ३० अर्ब रुपैयाँ रहेको थियो। चैत मसान्तमा यो रकम घटेर ६ खर्ब १९ अर्ब रुपैयाँमा झरेको छ । विभिन्न कारणले राष्ट्र बैंकबाट बजारमा गएको पैसा पुनः बैंकमा नै फर्किएको छ ।
त्यस्तै एक महिनामा नेपाल राष्ट्र बैंकमा सुनचाँदीमा लगानी गर्ने रकम ४ अर्ब रुपैयाँले बढेको छ । राष्ट्र बैंकको सुनचाँदीमा लगानी गर्ने रकम ८७ अर्ब ८९ करोड रुपैयाँ रहेको छ । यो रकम फागुन मसान्तसम्ममा ९१ अर्ब ४८ करोड रुपैयाँ रहेको थियो ।
