काठमाडौं । नेपाल बङ्गलादेश बैंकले बचत खाता खोल्ने ग्राहकहरुको सुरक्षणका लागि गरिएको दुर्घटना बीमा बापतको दाबी रकम १ लाख रुपैयाँ ग्राहक स्व. श्रीमति महमुदा खातुनकी छोरी मसउदा खातुनलाई प्रदान गरेको छ ।
स्व. श्रीमती महमुदा खातुनले नेपाल बङ्गलादेश बैंक, ब्रम्हपुरी शाखामा खाता खोली कारोबार गर्दै आएकी थिइन् । उनको गत कात्तिक ६ गते सवारी दुर्घटनामा परी मृत्यु भएको थियो ।
यस प्रकारको सहयोगले आफ्ना ग्राहकको आश्रित परिवारको लागि राहत पुग्ने विश्वास बैंकले लिएको छ । साथै, आगामी दिनहरुमा पनि आफ्ना ग्राहकहरुको हितमा रही बैंकिङ्ग सुविधा प्रदान गर्ने जानकारी बैंकले गराएको छ ।
हाल नेपाल बङ्गलादेश बैंकले १०० शाखा, १० एक्सटेन्सन काउन्टर, तथा ८४ वटा एटीएमबाट बैंकिङ्ग सुविधा दिँदै आएको छ ।
