नेपाल राष्ट्र बैंकले विभागीय प्रमुखहरुको जिम्मेवारी हेरफेर गरेको छ । राष्ट्र बैंकले बैंक तथा वित्तीय संस्था नियमन विभागको जिम्मेवारीमा प्रवक्ता समेत रहेका डा.गुणाकर भट्टलाई ल्याएको छ भने बैंक सुपरिवेक्षण विभागको जिम्मेवारी देवकुमार ढकाललाई दिएको छ ।
यसअघि प्रवक्ता भट्ट बैंक सुपरिवेक्षण विभागमा रहेका थिए भने ढकाल बैंक तथा वित्तीय संस्था नियमन विभागको जिम्मेवारीमा रहेका थिए । काम, कर्तव्य तथा जिम्मेवारीका हिसाबले निकै महत्वपूर्ण मानिएको नियमन विभागसँगै सुपरिवेक्षण विभाग निकै शक्तिशाली मानिन्छ ।
