समृद्धि फाइनान्स र नेपाल पेमेन्ट सोलुसन बिच वालेट प्रयोग सम्बन्धी सम्झौतापत्रमा हस्ताक्षर भएको छ ।
सम्झौतापछि फाइनान्सका ग्राहकहरुले नेपाल पेमेन्ट सोलुसन सँग आवद्ध विभिन्न २२ वटा वालेटहरु बाट निशुल्क फण्ड ट्रान्सफरको सुविधा प्रयोग गर्न पाउने छन् ।
उक्त सम्झौतामा फाइनान्सका तर्फबाट प्रमुख कार्यकारी अधिकृत टिका निधि लोहनी र नेपाल पेमेन्ट सोलुसनका तर्फबाट चिप एक्सपिरियन्स अफिसर प्रताप श्रेष्ठले हस्ताक्षर गरेका थिए ।
समृद्धि फाइनान्सले बचत खातामा उच्चतम् व्याजदरमा निक्षेप संकलन गरिरहेको छ । सामान्य बचत खातामा ७.५ प्रतिशत व्याज प्रदान गरेको छ जुन सामान्य बचत खातामा बैंक तथा वित्त कम्पनीमा उच्चतम व्याजदर हो ।
