मंसिर ९, काठमाडौं । साताको अन्तिम कारोबार दिन बिहीवार बजार खुलेको साढे दुई घण्टाको अवधिमासमृद्धि फाइनान्सको शेयरमूल्य ९ दशमलव २३ प्रतिशतले वृद्धि भएको छ ।
कारोबारमा आएका २२७ ओटा धितोपत्रमध्ये समृद्धि फाइनान्सको धितोपत्र मूल्य ९ शदमलव २३ प्रतिशतले वृद्धि भएको छ । कम्पनीको शेयरमूल्य प्रतिकित्ता रू.५६८ पुगेको हो ।
कम्पनीले २ बराबर १ अनुपातमा हकप्रद शेयर निष्कासन गर्ने तयारीमा रहेकाले पनि लगानीकर्ताको आकर्षण भएको देखिएको छ ।
कम्पनीले उक्त हकप्रद शेयर निष्कासन गर्नका लागि नियामक निकाय नेपाल धितोपत्र बोर्डमा निवेदन दिइसकेको छ । धितोपत्र बोर्डबाट स्वीकृती पाएपछि कम्पनीले २७ लाख २९ हजार ७०५ कित्ता हकप्रद शेयर निष्कासन गर्नेछ । विक्री प्रबन्धकमा बिओके क्यापिटल लिमिटेड रहेको छ ।
