काठमाडौँ / प्रभु बैंकले आफ्नो विप्रेषणको दायरा विस्तार गर्ने क्रममा फोरेक्स स्पोट पिटी लिमिटेड अष्ट्रेलियाबीच रेमिट्यान्स सेवा सम्बन्धी सम्झौता गरेको छ ।
सो सम्झौतापश्चात अब अष्ट्रेलियमा बसोवास गरिरहेका नेपालीहरुले अब फोरेक्स स्पोट पिटीमार्फत नेपालमा रहेका आफन्त तथा इष्टमित्रहरुलाई रकम पठाउन सक्नेछन् ।
बैंकका अनुसार नेपालभर रहेका प्रभु बैंकका २१४ वटा शाखाहरु तथा प्रभु रेमिट्यान्सका १६ हजारभन्दा बढी एजेन्टहरुबाट सहजै भुक्तानी पाउन सकिनेछ ।
साथै उक्त सेवा प्रभु बैंकको खातामा मात्रै सिमित नभई देशका अन्य बैंक तथा वित्तिय संस्थाहरुको खातामा समेत तुरुन्तै रकम जम्मा गर्न सकिने व्यवस्था मिलाईएको बैंकले जनाएको छ ।
