काठमाडौँ / सानिमा बैंक लिमिटेडले काठमाडौँको गोकर्णेश्वरमा नयाँ शाखा विस्तार गरेको छ। बैंकले असोज १९ गते गोकर्णेश्वरमा बैंक शाखा कार्यालय स्थापना गरी बैंकिङ्ग सेवा विस्तार गरेको हो ।
उक्त कार्यालयको उद्घाटन गोकर्णेश्वर नगरपालिकाका मेयर सन्तोष चालिसेले गरेको बैंकले जनाएको छ ।
सो अवसरमा गोकर्णेश्वर मेयर चालिसेले गोकर्णेश्वरमा सानिमा बैंकको कार्यालय सञ्चालनमा आएकोमा बैंकलाई बधाई ज्ञापन गर्दै सबल अनि विश्वसनीय बैंकको रुपमा निरन्तर विस्तार हुन र थप सफलताको लागि शुभकामना व्यक्त गरे ।
त्यसैगरी बैंकका नायब प्रमुख कार्यकारी अधिकृत निश्चल राज पाण्डेले बैंकका ग्राहक तथा सरोकारवालाहरुलाई निरन्तर सहयोग तथा संरक्षणका लागि कृतज्ञता व्यक्त गरे ।
सानिमा बैंकको देशका सातै प्रदेशमा १०९ कार्यालय र ९७ वटा ए.टि.एम. संचालनमा रहेका छन् ।
