मेगा म्युचुअल फण्ड अन्तर्गत सञ्चालन हुने मेगा म्युचुअल फण्ड १ को इकाईका लागि आवेदन दिने आज (भदौ १० गते) अन्तिम दिन रहेको छ।
मेगा क्यापिटल मार्केट्स लिमिटेडले धितोपत्र निष्काशन तथा बिक्री प्रबन्धक रहेको सो फण्डले प्रतिइकाई १० रुपैयाँ अंकित दरमा एक अर्ब रुपैयाँ बराबरको १० करोड इकाई भदौ ४ गतेदेखि बिक्रीमा ल्याएको थियो।
निष्काशन गरिएको कुल इकाईमध्ये कुल बिक्री भएको इकाईसंख्याको १५ प्रतिशत वा एक करोड ५० लाख इकाई कोष प्रवर्धक मेगा बैंकलाई सुरक्षित गरी बाँकी रहेको ८ करोड ५० लाख इकाई सर्वसाधरणलाई बिक्री गरिएको हो। उक्त फण्डमा न्यूनतम १०० देखि एक करोड इकाईसम्म आवेदन दिन पाउने व्यवस्था गरेको छ।
