भदौ ४, काठमाडौं । सानिमा लाइफ इन्स्योरेन्स कम्पनीले पहिलो कारोबारको लागि नेपाल स्टक एक्सचेञ्ज(नेप्से) बाट रू. ११६ दशमलव ७४ देखि ३५० दशमलव २२ ओपन रेञ्ज पाउने देखिएको छ ।
कम्पनीको आव २०७७/ ७८ को बास्तविक नेटवर्थ रू. ११६ दशमलव ७४ रहेकाले र नेप्सेले नेटवर्थ तीन गुणासम्म मूल्य रेञ्ज तोक्ने भएकाले उक्त मूल्य रेञ्ज पाउने देखिएको हो ।
कम्पनीले गत साउन २० गतेदेखि २४ गतेसम्म ६० लाख कित्ता आईपीओ निष्कासन गरेको थियो । कम्पनीले जसमध्ये कर्मचारीका लागि ३ लाख कित्ता र म्युचुअल फण्डको लागि ३ लाख कित्ता छुट्याएर बाँकी रहेको ५४ लाख कित्ता आईपीओ सर्वसाधारणको लागि निष्कासन गरेको थियो ।
