काठमाण्डौ । बहुचर्चित र बहुप्रतिक्षित हिमालयन बैंक र नेपाल इन्भेष्टमेन्ट बैंकबीच मर्जरका लागि एमओयू हुने भनिएको मिति घर्किसक्दा समेत देखिने गरी कुनै काम नहुँदा अन्यौल बढेको छ ।
अघिल्लो साता नै यी दुई बैंकबीच मर्जरका लागि एमओयू हुने भनिएको थियो । तर, एकाएक एमओयू टरेको छ । यसको एउटा कारणको रुपमा हिमालयन बैंकका संचालक समितिका अध्यक्ष तुलसी गौतम बिरामी हुनुलाई भनिएको छ । तर, उनी बिसेक भएको निकै दिन बितिसक्दा समेत हिमालयन बैंक र नेपाल इन्भेष्टमेन्ट बैंकबीच मर्जरको वातावरण तयार हुन सकेको छैन । किन यस्तो भइरहेको छ ? भित्रभित्रै के पाकिरहेको छ ? कतै यी दुई बैंकबीच मर्जरको विषय हल्लामै मात्र सीमित हुने त होइन ?
