काठमाडौं : सनराइज ब्लूचिप फन्डको इकाई शुक्रबार बाँडफाँट भएको छ । यसमा १०० देखि ३० लाख इकाई सम्म माग गर्ने ५३ हजार १४४ जना योग्य आवेदकलाई माग अनुसार इकाई बाँडफाँट गरिएको छ । यस्तै, ५० लाख इकाईसम्म माग गर्ने ४ जनालाई ४६ लाख ५ हजार २६ इकाईका दरले र १ करोड इकाईका लागि माग गर्ने २ जनालाई ४६ लाख ५ हजार २८ इकाईका दरले बाँडफाँट गरिएको छ ।
यसरी सर्वसाधारणलाई कुल १० करोड ६२ लाख ५० हजार इकाई बाँडफाँट गरिएको छ । कोष प्रवद्र्धक सनराइज बैंकलाई बिज पुँजी वापत १ करोड ८७ लाख ५० हजार इकाई छुट्याइएको छ । सर्वसाधारण र बिज पुँजी गरी कुल १२ करोड ५० लाख इकाई बाँडफाँट भएको छ । यसआधारमा सनराइज ब्लूचिप फन्डको आकार बढेको देखिन्छ ।
