काठमाडौं । राष्ट्रिय सहकारी बैंक लिमिटेडले ७ वटै प्रदेशमा प्रादेशिक शाखा कार्यालय सञ्चालनका लागि स्वीकृति प्राप्त गरेको छ । नेपाल राष्ट्र बैंकले सात प्रदेशका लागि प्रादेशिक शाखा कार्यालय सञ्चालन गर्नका लागि स्वीकृति दिएको हो ।
अब राष्ट्र बैंकबाट स्वीकृत पाएपछि सहकारी बैंकको प्रादेशिक शाखा सातै प्रदेशमा पुग्ने देखिएको छ । प्रदेश नं.१ को विराटनगर, प्रदेश नं.२ को जनकपुर, बागमती प्रदेशको हेटौडा, गण्डकी प्रदेशको पोखरा, लुम्बिनी प्रदेशको बुटवल, कर्णाली प्रदेशको सुर्खेत र सुदुरपश्चिम प्रदेशको धनगढीमा प्रदेश कार्यालयका लागि राष्ट्र बैंकले स्वीकृति प्रदान गरेको राष्ट्र बैंक निमयन विभाग प्रमुख देवकुमार ढकालले जानकारी दिए । ‘बैंकलाई प्रादेशिक स्तरको कार्यालय खोल्न हिजो अनुमति दिइएको हो,’ उनले भने ‘उक्त कार्यालयले सो प्रदेशमा रहेको सबै बैंक शाखाहरूको समन्वय तथा संयोजन गर्ने गर्दछ ।
