बैंकलाई ब्रोकर लाइसेन्स दिने हो भने सेयर कारोबार पारदर्शी बनाउन एवं गाउँ–गाउँसम्म विस्तार गर्न सकिन्छ तर, धितोपत्र बोर्ड भने दलाल कम्पनीलाई अर्को तहको दलाल नियुक्ति गर्न दिने अन्तिम तयारीमा छ
बैंकलाई सेयर कारोबारको ब्रोकर लाइसेन्स नदिने, तर धितोपत्र दलाल (ब्रोकर) कम्पनीलाई एजेन्टसमेत राख्न दिने अनौठो नीतिलाई धितोपत्र बोर्डले अघि बढाएको छ । लगानीकर्ताको कारोबार खातामा पहँुच नदिने गरी धितोपत्र बोर्डले सेयर ब्रोकरलाई एजेन्ट राख्न दिने भएको हो । आगामी आर्थिक वर्षबाट यसको अभ्यास सुरु गर्न सकिने धितोपत्र बोर्डले बताएको छ । ‘यससम्बन्धी निर्देशिका तयार भइसकेको छ,’ धितोपत्र बोर्डका अध्यक्ष भीष्मराज ढुंगानाले भने, ‘अर्थ मन्त्रालयमा धितोपत्र व्यवसायी नियमावली २०६४ मा सामान्य संशोधन गर्नसमेत पठाउनुपर्नेछ ।’ ...
