नेपाल धितोपत्र बोर्डले आफ्नो कम्पनीको आईपिओ आवेदन रद्द गरिदिएपछि इमर्जिङ नेपालले आफ्ना संस्थापक शेयरधनीलाई हकप्रद वापतको रकम जम्मा गर्न आग्रह गरेको छ। कम्पनीले आज फागुन ५ गते सूचना प्रकाशित गर्दै ३५ दिन भित्र हकप्रद वापतको रकम जम्मा गरि सक्न संस्थापक शेयरधनीहरुलाई आग्रह गरेको हो ।
नेपाल धितोपत्र बोर्डले चुक्ता पुँजी ५० करोड पुर्याएपछि मात्र आईपिओ निष्काशनको लागि अनुमति दिने जानकारी कम्पनीलाई जानकारी गराएको थियो । सोहि अनुसार कम्पनीको गत पुसमा सम्पन्न साधारणसभाले ११.१२ प्रतिशत हकप्रद निष्काशन गर्ने प्रस्ताव पारित गरेको थियो । हाल कम्पनीको चुक्ता पुँजी ४५ करोड रहेकोमा सो हकप्रदपछि कम्पनीको चुक्ता पुँजी ५० करोड पुग्ने छ । कम्पनीले ५० करोड चुक्ता पुँजी पुगेको जानकारी बोर्डमा नगराएपछि लामो समयदेखि कम्पनीको आईपिओले अनुमति पाउन सकेको थिएन ।
