काठमाडौं : नेप्सेमा अपि पावरको १७ लाख २० हजार ५६१.५० कित्ता बोनस सेयर सूचीकृत भएको छ । कम्पनीले आर्थिक वर्ष २०७६–७७ को नाफाबाट ९% बोनस सेयर वितरण गरेको थियो । सोही बोनस सूचीकृत भएको हो ।
हाल यसको चुक्ता पुँजी १ अर्ब ९२ करोड ९७ लाख रुपैयाँ रहेको छ । चालु आर्थिक वर्षको दोस्रो त्रैमासमा १४ करोड ३२ लाख १२ हजार रुपैयाँ खुद नाफा कमाएको छ । यसको प्रतिसेयर आम्दानी १४ रुपैयाँ ८४ पैसा (वार्षिक) र प्रतिसेयर नेटवर्थ ११५ रुपैयाँ ३९ पैसा रहेको छ ।
