माघ २५ गते, आइतबार स्पेशल प्रिओपन सेसनमा चन्दागिरी हिल्सकाे पहिलो कारोबार भएको छ।
कम्पनीकाे यस दिन प्रतिकित्ता १६१ रुपैयाँमा पहिलाे काराेबार भएकाे हाे। नेपाल स्टक एक्सचेञ्जले शुक्रबार कम्पनीको १ करोड ५३ लाख ४० हजार ९१० कित्ता शेयर आइतबारदेखि कारोबारमा आउने गरी सूचीकृत गरेको थियो।
कम्पनीको पहिलो शेयर कारोबारको लागि नेप्सेले ९६ रुपैयाँ ६९ पैसादेखि २९० रुपैयाँ ७ पैसाको कारोबार रेञ्ज प्रदान गरेको थियो। आइतबार सोहि रेञ्जमा कम्पनीको शेयर कारोबार खुलेको हो।
शेयर कारोबारको लागि नेप्सेले सिजिएच (CGH) कारोबार संकेत प्रदान गरेको छ।
