पोखरा: सिट्रस ग्रिनिङ रोगका कारण सुन्तलाका बोट टुप्पोबाट सुक्दै र जराबाट मर्दै जाँदा कास्की जिल्लामा मात्र होइन देशैभर सुन्तलाका बगैंचा मासिँदै गएका छन् ।
सुन्तला उत्पादन देशभर घट्दो क्रममा छ । पोखरा सहरभित्र मालेपाटन, मासबार, बाटुलेचौर, हेम्जा लगायत ठाउँमा सुन्तला निकै राम्रो फल्थ्यो । टुप्पाबाट बोट सुक्दै जाने समस्या सिटस ग्रिनिङले छोएपछि भने २०४५ सालदेखि सहरमा सुन्तला बगैंचा मासिँदै गए ।
विदेशबाट सुन्तलाका बिरुवा ल्याउँदा रोग पनि सँगै आयो । देशभर यो रोग फैलिएको पोखरा महानगरपालिकाका कृषि महाशाखा प्रमुख मनहर कडरियाले बताए । ...







