नागरिक स्टक डिलर कम्पनीले शेयर विश्लेषकको लागि दरखास्त आह्वान गरेको छ । कम्पनीले एक जना आधारभूत विश्लेषक (फण्डमेन्टल एनलिस्ट ) र एक जनाको प्राविधिक विश्लेषक (टेक्निकल एनलिस्ट) माग गरेको हो । कम्पनीले करार सेवामा रहने गरी यी विश्लेषक माग गरेको हो । कम्पनीले इच्छुक तथा योग्य आवेदकलाई १५ दिन भित्र आवेदन दिन आग्रह गरेको छ । आवेदन शुल्क ३ हजार तोकिएको छ ।
कम्पनीले विश्लेषक नियुक्त गर्नको लागि कार्यविधि बनाएको छ । कार्यविधि अनुसार कम्पनीले छनौट उपसमिति गठन गर्ने छ । उपसमितिको संयोजक कम्पनीका एक जना संचालक रहने छन् । सदस्यहरुमा कम्पनीका प्रमुख कार्यकारी अधिकृत र समितिले तोकेको पदपूर्तिसँग सम्बन्धित विज्ञ रहने छन् । कम्पनीको प्रशासन प्रमुख छनौट उपसमितिको सचिव रहने छन् ।
