सानिमा क्यापिटल Sanima Capital ले निष्काशन गरेको म्युचुअल फण्डमा १ अर्ब बढीको आवेदन परेको छ । म्युचुअल फण्डमा आवेदन दिने अन्तिम दिन आज बिहिबार ५ बजेसम्ममा ७५ हजार ८ सय ८४ आवेदकबाट १ अर्ब ६ करोड ६६ लाख ९४ हजार ५ सय रकमको आवेदन परेको हो ।
क्यापिटलले माघ ९ गते १ अर्बको नयाँ सामुहिक लगानी कोष (म्युचुअल फण्ड) इकाईको सार्वजनिक निष्काशनको बिक्रि खुला गरेको हो । क्यापिटलले सानिमा म्युचुअल फण्ड अन्तर्गत संचालन हुने गरी १ अर्ब आकारको 'सानिमा लार्ज क्याप फण्ड' नामक बन्दमुखी योजना संचालन गर्न लागेको हो ।
जस अन्तर्गत क्यापिटलले प्रति इकाई मूल्य १० रुपैयाँको दरले १० करोड इकाई निष्काशन गरेको हो । जस मध्ये डेढ करोड इकाई वा कुल बिक्रि भएको इकाईको १५ प्रतिशत इकाई कोष प्रबर्दक सानिमा बैंक र कोष ब्यबस्थापक सानिमा क्यापिटललाई छुट्याईएको थियो । बाँकि रहेको ८ करोड ५० लाख इकाईमा सर्बसाधारणलाई आवेदन दिएका हुन् ।
