नियामकको बोझ बन्दै स्ट्यान्डर्ड चार्टर्ड बैङ्क


  • Laxmi Sunrise Bank Ad
  • Prabhu Bank Limited (PRVU)
नियामकको बोझ बन्दै स्ट्यान्डर्ड चार्टर्ड बैङ्क

काठमाडौं । १९८० को दशकमा विश्वमा छाएको उदारीकरणको प्रभावस्वरुप नेपालमा पनि निजी क्षेत्रको भूमिका बढ्दै गयो । वित्तीय क्षेत्रमा वित्तीय क्षेत्रमा पनि निजी लगानी खुला गर्दै त्यतिबेला नेपाल राष्ट्र बैङ्कले ३ वटा निजी लगानीका बैङ्कलाई लाइसेन्स दिएको थियो । तात्कालिन नेपाल अरब बैङ्क, इन्डोस्वेज बैङ्क र ग्रिनलेज बैङ्क लाइसेन्स पाउने तीनवटा बैङ्कहरु थिए । बैंकिङ क्षेत्रमा निजी लगानी प्रवेश भएको यतिबेला ३६ वर्ष भएको छ ।

यी सबै बैङ्कहरु अहिले पनि अस्तित्वमा छन् तर सबैले नयाँ नामबाट कारोबार गर्दै आएका छन् । संयुक्त अरब इमिरट्को साझेदार फिर्ता भएपछि तत्कालिन नेपाल अरब बैङ्कले नबिल बैङ्कको नामबाट कारोबार गरिरहको छ । फ्रान्सेली साझेदार बाहिरिएपछि तत्कालिन इन्डोस्वेज बैङ्कले आफ्नो नाम परिवर्तन गरेर नेपाल इन्भेष्टमेन्ट बैङ्कको नाममा कारोबार गर्दै आएको छ । तात्कालिन ग्रिनलेज बैङ्क अहिले स्ट्यान्डर्ड चार्टर्ड बैङ्क बनेको छ ।

सुरुमा विदेशी संयुक्त लगानीबिना बैङ्कको लाइसेन्स नै नदिने नीति लिएको राष्ट्र बैङ्कको कन्फिडेन्स बढेपछि नेपाल राष्ट्र बैङ्कले नेपाली लगानी मात्रैको बैङ्क खोल्ने अनुमति समेत दिन थाल्यो । अहिले रहेका वाणिज्य बैङ्कमध्ये २० बैङ्क स्वदेशीमात्रैको लगानीमा सञ्चालन भइरहेका छन् । करिब ३५ खर्बको निक्षेप परिचालन गर्ने क्षमता यी बैङ्कहरुसँग छ । देशभित्र लगानी आवश्यक पर्दा बैंकिङ क्षेत्रबाट खर्बौंको रकम जुटाउने क्षमता समेत बनेको छ ।

Read More
  • MBL