बिहीबार एशियाली शेयरमा बढोत्तरी देखिएको छ । यसदिन जापानको निक्केई सूचक ३ दशकयताकै उच्च स्तरमा पुगेको छ भने अन्य एशियाली शेयर रेकर्ड स्तर नजिक पुगेका छ।
लगानीकर्ताहरुको ध्यान अधिक अमेरिकी प्रोत्साहनको सम्भावना र विश्वव्यापी आर्थिक वृद्धितर्फ केन्द्रित हुदाँ एशियाली शेयर बजारमा यसको सकारात्मक प्रभाव देखिएको हो ।
यसदिन जापानको निक्केई सूचक १.४ प्रतिशतले बढेर सन् १९९० पछिको उच्च स्तरमा पुगेको छ । तीन हप्ताको अवधिमा उक्त सूचकमा ८ प्रतिशतभन्दा बढीको बढोत्तरी देखिइसकेको छ ।
