काठमाण्डौ । सेयर बजार परिसूचकमा उछाल आई नेप्से परिसूचकले नयाँ इतिहास लेखेको दिन कुल बजार पूँजीकरण पनि बढेको छ ।
नेप्सेको बजार पूँजीकरणले पनि आइतबार नयाँ इतिहास रचेको हो ।
यो दिन कुल बजार पूँजीकरण बढेर २९ खर्ब २७ अर्ब २७ करोड माथिको उचाईमा पुगेको हो ।
अघिल्लो कारोबार दिनको तुलनामा बजार पूँजीकरण १ खर्ब १९ अर्बले बढेको हो । यसको अर्थ आइतबार एकैदिन लगानीकर्ताको सम्पत्ति १ खर्ब १९ अर्बले बढेको छ ।
बिहीबार नेप्सेको बुल बजार पूँजीकरण २८ खर्ब ८ अर्बमा सीमित थियो । आइबार भने २९ खर्ब २७ अर्बको ऐतिहासिक उचाईमा पुगेको हो ।
