कृषि क्रान्ति।यो राजनीतिक नेतृत्वमा रहेकाहरुको दशकौदेखिको एजेण्डा हो ।विडम्बना कृषि प्रधान भनिने नेपालमा यो गफ मै सिमित भएको छ । अर्थात यसमा ठोस काम हुन सकेको छैन ।तर एउटा विकास बैंकको सहायक कम्पनी कृषिमा क्रान्ति गर्ने दृढ विश्वास र लक्ष्यको साथ अगाडी बढेको छ।
मुक्तिनाथ विकास बैंकको सहायक कम्पनीको रुपमा स्थापना भएको 'मुक्तिनाथ कृषि कम्पनी' ले २ वर्ष पुरा गरिसकेको छ। कम्पनीका दर्जन बढी उदेश्य भए पनि छोटकरीमा भन्दा आफ्नो लक्ष्य भनेको 'कम्प्लिट एग्रीकल्चर सोलुसन' प्रदान गर्नु रहेको कम्पनीले जनाएको छ ।अर्थात अहिलेको परम्परागत कृषिलाई बदलेर कृषिमा क्रान्ति ल्याउनु ।
कम्पनीको नारा 'शहरको पुँजी गाउँमा, गाउँको उत्पादन शहरमा' रहेको छ ।अर्थात कम्पनीले बिचौलिया बिहिन कृषिको परिकल्पना गरेको छ ।
