काठमाण्डौ । नेपाल राष्ट्र बैंकमा ८ वटा वाणिज्य बैंकहरुले आर्थिक वर्ष २०७६/७७ को वित्तीय प्रतिवेदन बुझाउँदै वार्षिक साधारणसभा अनुमति माग गरेका छन्।
राष्ट्र बैंक स्रोतका अनुसार एनआईसी एसिया, सानिमा, बैंक अफ काठमाण्डू, माछापुच्छ्रे र नेपाल इन्फ्रास्ट्रक्चर बैंक लिमिटेडले बैंक सुपरिवेक्षण विभागमा वित्तीय प्रतिवेदन पठाउँदै वार्षिक साधारणसभाको अनुमति मागेका हुन्। तीमध्ये माछापुच्छ्रे बैंकले साधारणसभाको ‘प्रि–अप्रुभल’ पाइसकेको छ। अब अन्तिम स्वीकृति लिनमात्र राष्ट्र बैंकले जनाएको छ।
यही साताभित्र स्वीकृति पाए माछापुच्छ्रे बैंकले दसैंअघि साधारणसभा गर्न सक्ने सम्भावना रहेको छ।
हाल यी बैंकहरुको प्रि–अप्रुभलको कामहरु भइरहेको राष्ट्र बैंक स्रोत बताउँछ। ‘तर कोरोना संक्रमणका कारण स्वभाविक गतिमा काम हुन सकिरहेको छैन’, एक अधिकारीले भने।
