काठमाण्डौ । यूनाइटेड फाइनान्सका संचालक समिति अध्यक्ष तथा प्रतिष्ठित उद्योगी बसन्तकुमार चौधरीले नवील बैंकसँग मर्जमा जाने समाचारको विषयमा मुख खोलेका छन् ।
बिजशालासँग कुरा गर्दै अध्यक्ष चौधरीले नेपाल राष्ट्रबैंकले क्रसहोल्डिङ रहेका बैंक तथा वित्तीय संस्थाहरुलाई मर्जमा लैजाने नीति लिएको र त्यसको आफूहरुले पनि पालना गर्ने उल्लेख गर्दै भने–‘नवीलसँग यूनाइटेड फाइनान्स मर्जमा जाने विषयमा आएका समाचारहरुको विषयमा मलाई केही भन्नु छैन । नवीलसँग मर्जमा जाने संभावनालाई नकार्न सकिन्न ।’
उनले नवील बैंकसँग यूनाइटेड फाइनान्सको मर्जरको विषयमा छलफल भइरहेको विषयलाई अस्वीकार गरेनन् । भने–‘मिडियाहरुले देखाएको संभावनालाई म नकार्दिँन । तर, अहिले नै मैले धेरै कुरा बोल्न मिल्दैन । समय आएपछि सबै कुरा भनौंला ।’
