६ असोज, काठमाडौं । कोरोना भाइरस (कोभिड–१९) ले अप्ठेरोमा परेका टेम्पो चालक महिलाहरुलाई प्रभु बैंकले सहुलियत ब्याजदरमा सरल कर्जा दिएको छ । आइडिया स्टुडियोसँगको सहकार्यमा प्रभु बैंकले ‘सहयात्रा समृद्धिको’ नामको कर्जा योजना नै सार्वजनिक गरेको छ ।
यो कर्जा योजना अन्तर्गत कोभिडले अप्ठेरोमा परेका टेम्पो चालक तथा समस्यामा परेका शिक्षकहरुलाई समेत कर्जा उपलब्ध गराइने बैंकका डेपुटी सीईओ मणिराम पोख्रेलले जानकारी दिए । मंगलबार एक कार्यक्रमको अवसर पारेर बैंकले यस योजाको शुभारम्भ समेत गरेको छ ।
