कोरोना बीमा गर्नेको संख्या ६ लाख नजिक पुगेको छ । बीमक संघका अनुसार साउन १३ गतेसम्ममा ५ लाख ९७ हजार १ सय ४६ जना कोरोना बीमाको दायरामा आएका हुन्। यस अवधिसम्म ५९ हजार २२ वटा बीमालेख बिक्रि भएको संघले जनाएको छ ।
संघका अनुसार पछिल्लो ३ दिनमा ४ हजार बढीले कोरोना बीमा गरेका छन् । पछिल्लो ३ दिनमा ४ हजार २ सय ८३ जनाले कोरोना बीमा गरेका हुन् ।
संघका अनुसार हालसम्म कोरोना बीमाबाट ३३ करोड ५० लाख ६२ हजार ५४२ रुपैयाँ प्रीमियम संकलन भएको छ । बीमा गरेका मध्ये ५० जनामा कोरोना पुष्टि भई रकम दाबी भुक्तानी गरेकोमा सबै जनालाई रकम प्रदान गरिसकेको संघले जनाएको छ । बीमा कम्पनिहरुले गत बैशाख ७ गतेदेखि कोरोना बीमालेख बिक्रि गर्न सुरु गरेका थिए ।
