काठमाडौं । देवः विकास बैंक लिमिटेडले थप नयाँ शाखा सञ्चालनमा ल्याएको छ । बैंकको नयाँ शाखा गोकर्णेश्वर नगरपालिका, वडा नं ६ जोरपाटीमा सञ्चालित जोरपाटी शाखा कार्यालयको मिति आज एक कार्यक्रम बीच उद्धघाटन गरेको हो ।
शाखाको बैंक संचालक समितिका सदस्य भरत बहादुर हमालबाट औपचारिक उद्घाटन गरेका हुन् । कार्यक्रममा आफ्नो मन्तव्य राख्दै संचालक हमालले गुणस्तरिय सेवा विस्तारमा जोड दिनु पर्ने बताए । उनले यस क्षेत्रबाट संकलित निक्षेपलाई यस क्षेत्रको व्यापार व्यवसायमा लगानी गर्ने र स्थानीय उद्यमशीलताको विकासका लागि सहकार्य गर्ने बताए ।
कार्यक्रममा गोकर्णेशवर नगरपालिका, वडा नं ६ का अध्यक्ष रमेश अर्यालले वडा नं ६ को क्षेत्रमा बैकिङ्ग गतिविधिको विस्तारबाट समग्र नगरपालिका क्षेत्रमा नै आर्थिक गतिविभिको विस्तार भएको सन्तुष्ट व्यक्त गरे ।
