काठमाडौं । नारायणी डेभलपमेन्ट बैंक लिमिटेडले शतप्रतिशत हकप्रद शेयर निष्कासन गर्नका लागि अनुमति पाएको छ ।
नेपाल धितोपत्र बोर्ड (सेबोन) ले साउन १५ गते कम्पनीलाई शतप्रतिशत हकप्रद शेयर निष्कासन गर्न अनुमति दिएको हो । हाल कम्पनीको चुक्तापूँजी २६ करोड २४ लाख ६७ हजार ७०० रुपैयाँ छ ।
सोही रकम बराबरको हकप्रद शेयर निष्कासनका लागि बोर्डले अनुमति दिएको हो । यो हकप्रद शेयर निष्कासन तथा विक्री प्रबन्धकमा ग्लोबल आइएमई क्यापिटल लिमिटेड रहेको छ ।
