नेपाल एसबिआई बैंक लिमिटेडद्वारा जारी “७% नेपाल एसबिआई बैंक ऋणपत्र २०९०” को निष्कासन सम्पन्न भएको छ । कुल ३० लाख इकाई (रु १,००० अंकित मूल्यका आधारमा कुल रु ३ अर्ब बराबर) निष्कासन गरिएको यस ऋणपत्रमा लगानीकर्ताको उल्लेखनीय सहभागिता देखिएको छ । बैंकले प्राप्त गरेको आवेदन संख्या १ करोड २० लाखभन्दा बढी इकाई बराबरको रहेको छ, जुन कुल प्रस्तावित इकाईको चारगुणा बढी हो ।
यस ऋणपत्रको निष्कासन २०८२ असार ३० गतेदेखि श्रावण १ गतेसम्मका लागि खुला गरिएको थियो । लगानीकर्ताको उच्च सहभागिताले बैंकको वित्तीय स्थिति, ब्याज भुक्तानी क्षमतामा रहेको विश्वास र स्थायित्वप्रतिको भरोसा प्रस्ट पारेको छ ।
