सिवाइसि लघुवित्त वित्तिय संस्थामा संस्थाका प्रमुख कार्यकारी अधिकृत डोलेन्द्र शर्माको फर्जी धन्दा अझैं पनि नरोकिएको आरोप लागेको छ। कहिले नक्कली भ्रमण देखाएर भत्ता लिने, कहिले कर्मचारीको नाममा पेशी लिएर आफुले चलाउने आरोप लागेका शर्माले बाग्लुङ्गमा कर्मचारीको तालिम भएको देखाएर त्यसको पैसा गोजीमा हालेको आरोप लागेको हो।
तालिम भनेर लघुवित्तबाट त्यसको भुक्तानी गराउने तर त्यो पैसा शर्मा आफुले गोजीमा हाल्ने गरेको लघुवित्त स्रोतले जनाएको छ। बाग्लुङ्गको 'न्यु होटल पिस प्यालेस' मा दुई दुई पटक कर्मचारीलाई तालिम भनेर लघुवित्तबाट करिब दश लाख रुपैयाँ भुक्तानी गरीएको स्रोतले बिजपाटीलाई उपलब्ध गराएको प्रमाणमा देखिन्छ।
