आशा लघुवित्तको संस्थापक सेयरको लिलामी बिक्री स्थगित

काठमाडौं : आशा लघुवित्तले लिलामी सेयरको बिक्री स्थगित गरेको छ । कम्पनीले अर्को सूचना जारी नभएसम्मका लागि लिलामी बिक्री बन्द गरिएको जानकारी गराएको छ । तर, के कारणले स्थगित गरियो भन्नेबारे कम्पनीले केही खुलाएको छैन । यसअघि कम्पनीले आज (असोज ५ गते) बाट ५१ हजार ९९० कित्ता संस्थापक सेयर बिक्री खुला गर्ने जनाएको थियो । कम्पनीले यसको न्यूनतम भाउ ३९५ रुपैयाँ तोकेको थियो । यस्तै, आवेदन दिने समय पनि असोज १३ गतेसम्म तोकेको थियो ।