असोज १४, काठमाडौं । मानुषी लघुवित्त वित्तीय संस्थाको शेयर सूचीकृत भएको पाँच दिनसम्म पनि खरीदविक्री भएको छैन ।
नयाँ सूचीकृत कम्पनीको शेयर दोस्रो बजारमा काराबार हुनका लागि पहिले स्पेशल प्रि ओपन सेसनमा कारोबार हुनुपर्ने हुन्छ । प्रि - सेसनमा कारोबार भएपछि मात्र नियमित सेसनमा कारोबार हुने गर्दछ ।
कम्पनीको शेयर गत असोज १० गते आइतवार नेप्सेमा सूचीकृत भएको थियो । आइतवार सूचीकृत भएसँगै सोमवारदेखि कारोबार आउनुपर्ने थियो । तर सो दिन शेयर पनि डिम्याट खातामा नआएका कारण कारोबार हुन सकेको थिएन ।
