भदौ ३१, काठमाडौं । मानुषी लघुवित्त वित्तीय संस्था लिमिटेडको धितोपत्र दोस्रो बजारमा आगामी सातादेखि कारोबार शुरु हुने भएको छ ।
गत भदौ ७ गतेनै बाँडफाँट गरेको आईपीओ सूचीकरणका लागि सिडिएस एण्ड क्लियरिङ्ग लिमिटेडमा दर्ता गराईसकिएको जानकारी शेयर रजिष्ट्रार नेपाल एसबिआई मर्चेण्ट बैंकिङ्ग लिमिटेडले दिएको छ । बिहीवारसम्म सिडिएससीमा आवश्यक प्रक्रिया सम्पन्न गरी आगामी दोस्रो बजारमा सूचीकृत गराउने योजना रहेको शेयर रजिष्ट्रार कम्पनीले बताएको छ ।
कम्पनीको आईपीओले पहिलो कारोबारका लागि प्रतिकित्ता रू. १३२ दशमलव ६९ देखि रू. ३९८ दशमलव शून्य ७ सम्मको मूल्य रेञ्ज पाउने देखिन्छ । नेप्सेले नयाँ कम्पनी सूचीकृत पश्चात पहिलो कारोबारका लागि कम्पनीको वास्तविक प्रतिशेयर नेटवर्थदेखि त्यसको तीन गुणासम्मको मूल्य रेञ्ज तोक्ने गर्दछ ।
