असार २८, काठमाडौं । किसान लघुवित्त वित्तीय संस्थाले एफपीओ निष्कासन गर्ने तयारी गरिरहेको छ ।
कम्पनीले १२ लाख ९८ हजार २५९ कित्ता एफपीओ निष्कासन गर्ने तयारी गरिरहेकोे हो । कम्पनीले उक्त एफपीओ निष्कासन गर्नका लागि विक्री प्रबन्धकमा मुक्तिनाथ क्यापिटल लिमिटेडलाई नियुक्त गरेको छ ।
आवश्यक प्रक्रिया पुरा गरेर नियामक निकाय नेपाल धितोपत्र बोर्डमा निवेदन दिएर स्वीकृती पाएपछि मात्र कम्पनीले एफपीओ निष्कासन गर्नेछ । कम्पनीको चुक्तापूँजी रू.३९ करोड २८ लाख ८ हजार रहेको छ ।
एफपीओ निष्कासन गरेपछि कम्पनीको पूँजी रू. ५२ करोड २६ लाख पुग्नेछ । कम्पनीले सूचीकृत नभएका कम्पनी गाभेका कारण शेयर संरचना मिलाउनु पर्ने कानूनी अवस्थाका कारण एफपीओ निष्कासन गर्न लागेको हो ।
