५ वर्ष पुरानो लाभांश लिन सिटिजन्स बैंक इन्टरनेशनलले आफ्ना शेयरधनीहरुलाई बोलाएको छ ।
बैंकले विगतका विभिन्न आर्थिक वर्षहरुमा वितरण गरेको लाभांश लिन बाँकी रहेका शेयरधनीहरुलाई यथाशीघ्र लाभांश संकलन अनुरोध गरेको हो ।
लाभांश लिन बाँकी रहेका शेयरधनीहरुले शेयर रजिष्ट्रार सि. आई बि एल एस क्यापिटल मार्फत एक महीनाभित्र लाभांश लिन सक्नेछन् ।
१ महीनाभित्र लाभांश संकलन नगरेमा उक्त रकम स्वत लगानीकर्ता संरक्षण कोषमा जम्मा हुने बैंकले जानकारी दिएको छ । त्यसैले लगानीकर्ता संरक्षण कोषमा जम्मा हुनु पहिला नै लाभांश लिन बाँकी रहेका शेयरधनीलाई संकलन गर्न भनेको हो ।
त्यसैगरी, लाभांश पुर्जी लिइसकेका शेयरधनीहरुलाई समेत उक्त पुर्जी आफ्नो बैंक खातामा जम्मा गर्न अनुराध गरेको छ।
