चौतारी लघुवित्त वित्तीय संस्था लिमिटेड र सूर्योदय लघुवित्त वित्तीय संस्था लिमिटेडको नेपाल स्टक एक्सचेञ्जमा शेयरमूल्य समायोजन भएको छ।
यी दुबै लघुवित्तले गत आवको मुनाफाबाट वितरण गर्न प्रस्ताव गरेको लाभांश वितरण तथा साधारण सभा प्रयोजनको लागि बुकक्लोजसँगै नेप्सेले मंसिर २२ गते आइतबार शेयरमूल्य समायोजन गरेको हो।
नेप्सेले चौतारी लघुवित्त (CHLBS) को ७ प्रतिशत बोनस समायोजन गरि प्रतिकित्ता ४३३ रुपैयाँ ६४ पैसा निर्धारण गरेको छ।
आरम्भ लघुवित्तसंग मर्जर प्रक्रियामा रहेको चौतारीले ७ प्रतिशत बोनस शेयर र कर प्रयोजनार्थसहित १०.८९ प्रतिशत नगद लाभांश पारित गर्न आगामी पुस ९ गते दियालो फुडल्याण्ड, बुटवलमा वार्षिक साधारण सभा बोलाएको छ। जसका लागि लघुवित्तले आइतबारदेखि बुकक्लोज गरेको हो।
